मानवअधिकार पत्रकार संघ(हुर्जा) पश्चिमाञ्चलका सदस्य तथा साहित्यकार असफल गौतमलाई शोक परेको छ । उहााका हजुरबुबा नरबहादुर रानाभाटको ९० वर्षको उमेरमा मङ्गलबार निधन भएको हो । स्व. रानाभाटका एक छोरा, सात छोरी सहित १०९ जना सन्तानहरु रहेका छन् । स्व. रानाभाटको मङ्गलबार नै दाहसंस्कार गरिएको थियो । यसैबिच मानवअधिकार पत्रकार संघ(हुर्जा) पश्चिमाञ्चलका महासचिव विरेन्द्र सापकोटाद्धारा जारी शोक विज्ञप्तिमा मानवअधिकारका शुभेच्छुक तथा अभिभावक रानाभाटको निधनले हुर्जा स्तब्ध भएको जनाएको छ । दिवङ्गत आत्माको चिरशान्तिको कामना गर्दै शोकसन्तप्त परिवारजनप्रति धैर्यधारण गर्ने शक्ति मिलोस भन्ने कामना हुर्जा पश्चिमाञ्चल गर्दछ, विज्ञप्तिमा भनिएको छ ।
