काठमाडौं । नेकपा एमालेले नयाँ निर्वाचनको विकल्प नभएको निष्कर्ष निकालेको छ । पार्टी मुख्यालय बल्खुमा बुधबार बसेको बैठकले सहमतीय सरकार गठन गरेर नयाँ निर्वाचनमा जानु पर्ने निष्कर्ष निकालेको हो । एमालेले संविधानसभा पुन:स्थापनाको विकल्पलाई अस्वीकार गरेको छ । ‘संविधानसभा कुनै हालतमा पुन:स्थापना हुन सक्दैन’ एमाले सचिव युवराज ज्ञवालीले भन्नुभयो–’सहमतीय सरकार गठन गरे नयाँ चुनावमा जानुको विकल्प छैन ।’ सरकारले घोषणा गरेको मंसिर ७ को संविधानसभाको अर्को चुनावलाई अस्वीकार गरेको एमालेले संसद कि संविधानसभाको अर्को चुनाव भन्ने दलहरुको सहमतिमा भर पर्ने बताएको छ । एमालेले दलहरुबीच सहमतिका लागि प्रधानमन्त्री डा. बाबुराम भट्टराईले राजीनामालाई पहिलो सर्त बनाएको छ । भट्टराईको राजीनामा नै सहमतीय सरकार गठनको प्रस्थान विन्दु भएको सचिव ज्ञवालीले जानकारी दिनुभयो । एमालेले संविधानसभा पुन:स्थापनाको पक्षमा नलाग्न आºना पूर्व सभासदहरुलाई निर्देशन समेत दिएको छ । एमाले सचिव ज्ञवालीले भन्नुभयो–’व्यक्तिगत रुपमा पार्टीमा विचार राख्न पाइन्छ तर, संविधानसभा पुन:स्थापनको पक्षमा कुनै पनि गतिविधि नगर्न पूर्व सभासदहरुलाई निर्देशन दिएका छौं ।’
