काठमाडौं/ नेपालको निजी क्षेत्रको सर्वाधिक शाखा सन्जाल भएको ग्लोबल आइएमई बैंक लि र चीनको ३१ हजार शाखा भएको एग्रिकल्चर बैंक अफ चाइनाबीच चाइनिज युवान (आरएमबी) र युएस डलर खाता खोल्ने सम्झौता सम्पन्न भएको छ । सम्झौतापत्रमा ग्लोबल आइएमई बैंकको तर्फबाट बैंकका नायब प्रमुख कार्यकारी अधिकृत जनक शर्मा पौड्याल र एग्रिकल्चर बैंक अफ चाइनाको तर्फबाट भाइस प्रेसिडेन्ट–अन्तर्राष्ट्रिय व्यापार, सुपिङ ठोङले एक समारोहबीच झाङमु, तिब्बतमा हस्ताक्षर गरेको ग्लोबलले जारी गरेको विज्ञप्तिमा उल्लेख छ । उक्त सम्झौताले त्यस क्षेत्रमा व्यापार गर्नेलाई युएस डलरमा मात्र नभई चाइनिज युवानमा (आरएमबी)समेत व्यापार गर्न सहज बनाउनेछ । साथै यस सम्झौताको उद्देश्य विशेष गरी तातोपानी भन्सार नाकाबाट हुने नेपाल र चीनबीचको व्यपार प्रवद्र्धनमा महत्त्वपूर्ण भूमिका खेल्नु रहेको छ ।
