काठमाडौं । नेपाली टोपी दिवसलाई मध्य नजर राख्दै यही १ जनवरी २०१७ का दिन चौंथो अन्तर्राष्ट्रिय नेपाली टोपी दिवस भव्यताका साथ मनाउन लागिएको छ । बिगतका वर्षहरुमा जस्तै यो वर्ष पनि नेपाली टोपी लगाएर नेपालीपनका साथ अंग्रेजी नयाँ वर्षलाई अझै बिशेष मनाऔं भन्ने नाराका साथ नेपाली टोपी दिवस मनाइने भएको छ । यसले अन्तरर्राष्ट्रियरुपमा नेपालीपनको प्रवद्र्धन हुने र देशभित्र पनि आफ्नो संस्कृतिको थप प्रवद्र्धन र प्रसार गर्न मद्दत पुग्ने बताइएको छ । नेपाली र नेपालीमूलका नागरिक भएका सबै देश र स्थानहरुमा समग्र नेपालीहरुको साझा र मौलिक पहिचानको चिह्न नेपाली टोपी रहेको छ । शताब्दी औं देखि प्रयोग भै रहेका बिभिन्न प्रकारका नेपाली टोपीहरुको प्रयोगलाई अझै व्यापक र बिश्वमय बनाउने उद्देश्यले सन् २०१४ जनवरी १ बाट संसारभर अन्तर्राष्ट्रिय नेपाली टोपी दिवस मनाईदै आएको छ ।
