काठमाडौं । महालक्ष्मी विकास बैँक लिमिटेडले गत श्रावण २१ गतेदेखि गैडहवा गाउँपालिका–६ स्थित सूर्यपुरामा सेवा सञ्चालनमा ल्याएकोे छ । उक्त शाखा रुपन्देहीको लुम्बिनी सांस्कृतिक नगरपालिका वडा नं ६ बाट स्थानान्तरण भई सूर्यपुरामा सञ्चालनमा आएको छ । महालक्ष्मी विकास बैँकको यस शाखाले स्थानीय स्तरमा उत्कृष्ट सेवा प्रदान गर्ने प्रतिबद्धता बैँकले जनाएको छ । देशका शहरी तथा ग्रामीण क्षेत्रमा विभिन्न स्थानहरुमा ७३ वटा शाखा तथा ३५ वटा एटिएमहरु मार्फत सेवा प्रदान गरिरहेको महालक्ष्मी विकास बैंकको ग्राहक संख्या ४ लाख ६० हजार भन्दा बढि रहेको छ । बैंकले असार, २०७५ सम्ममा २७ अर्ब २७ करोड निक्षेप संकलन गरी २१ अर्ब ६५ करोड कर्जा प्रवाह गरेको छ ।
